Пожар во зградата на руската тајна служба во Ростов, медиумите јавуваат дека има и жртви

Најмалку едно лице загина во голем пожар кој изби во зградата на руската Федерална служба за безбедност во Ростов, јавуваат руските медиуми. Според информациите на Киев пост во пожарот има и поголем број повредени лица. Гувернерот на Ростов, Василиј Голубев изјави дека пожарот најверојатно настанал од електрична исталација иако на социјалните прежи кружат информација дека пред да се случи инцидентот се слушнала и експлозија. Ростов е на околу 120 километри од границата со Украина, а на првите снимки од тој град се гледа голем пламен кој ја зафатил зградата на руската тајна служба. Возила на итната помош се на местото на настанот… На социјалните мрежи луѓето споделуваат видеа од пожарот.