„ТикТок“ воведува временско ограничување на 60 минути дневно на апликацијата за сите кои имаат помалку од 18 години. Како што наведува „Би-Би-Си“, ако малолетниците дојдат до тој лимит, ќе мора да внесат шифра за да продолжат со користење.
Сепак, постои опција за избегнување на новата мерка што од „ТикТок“ порачаа дека ќе ја претстават во наредните денови. Кинеската компанија во чија сопственост е „ТикТок“ сооошти дека оваа опција се воведува за да им помогне на луѓето да контролираат колку време минуваат на популарната апликација.
Според правилата на платформата, секој корисник мора да има најмалку 13 години, а сите под 18 години ќе добиваат неделни известувања за времето што го минале на „ТикТок“.
Родителите кои користат некоја од опциите за контрола, ќе можат самите да го наместат временското ограничување.
Американскиот Конгрес против „ТикТок“
Членовите на американскиот Конгрес разгледуваат нацрт закон кој нма претседателот би му дал овластување за забрана на кинеските мобилни апликации, вклучувајќи го и „ТикТок“.
Истовремено, новоформираниот одбор на Конгресот на САД одржа сослушување за, како што е наведено, заканата од Комунистичката партија на Кина кон САД.