Војната во Украина денеска влезе во својот 361 ден. Продолжуваат жестоките борби за Бахмут. Претседателот на Украина Володимир Зеленски вчера изјави дека Украина ќе го брани тој град, но не по секоја цена. Тој извести и дека состојбата во Угљедар е тешка. Американскиот претседател Џо Бајден утре ќе пристигне во Полска, неколку дена пред годишнината од почетокот на војната.
Британското Министерство за одбрана во утринскиот извештај на своето воено разузнавање објави дека Русија ќе изјави дека го заробила Бахмут на годишнината од почетокот на војната, без оглед на фактите на теренот.
Latest Defence Intelligence update on the situation in Ukraine – 20 February 2023
Find out more about Defence Intelligence: https://t.co/WmgdSo26nd
🇺🇦 #StandWithUkraine 🇺🇦 pic.twitter.com/nCbHIkxusO
— Ministry of Defence 🇬🇧 (@DefenceHQ) February 20, 2023
Во извештајот се наведува дека руските сили продолжуваат со повеќекратните офанзивни операции во источна Украина, вклучувајќи ги и нападите врз градовите Угљедар, Кремина и Бахмут. Сепак, тие трпат огромни загуби, според британските разузнавачи.
Британското Министерство за одбрана тврди дека како што се приближува првата годишнина од војната (24 февруари), руските сили ќе бидат под зголемен притисок да покажат напредок пред нивните претпоставени.