Рускиот претседател Владимир Путин изјави денеска дека бројот на Русите кои се подготвени да присвојат дечиња од анексираните региони во Украина се зголемува.
Зборувајќи со претседателската комесарка за детски права Марија Лвова – Белова, Путин изјави дека барањата за посвојување дечиња кои ги загубиле родителите во војната во Украина се зголемува.
- Бројот на барања од нашите граѓани за присвојување на деца од регионите на Доњецк, Луганск, Херсон, Запорожнија, се зголемува. Вашата комисија се занимаваше со ова прашање многу долго време, речиси 9 години. Трагедијата која се случува во Донбас има последици на нашите млади деца, за жал, тоа е вистина веќе цели 8 години, од почетокот на страотната агресија во Донбас против нашиот народ. Секако дека децата страдаа, изјави Путин.
Четирите украински провинции, Доњецк, Луганск, Херсон и Запорожнија беа анексирани од Русија во септември.
Путин ги поздрави предлозите за поддршка на семејствата чии припадници учествувале во специјалната воена операција во Украина, вклучувајќи ги и резервистите.
Претседателот изјави дека тие вршеле света должност за татковината и треба да добијат социјални гаранции и други заштитни мерки.
Од друга страна, Украинската страна тврди дека руските сили присилно раселиле најмалку 6 000 украински дечиња во кампови и локации ширум Русија, за како што се тврди, присилни усвојувања па дури и воена обука.
Во извештајот од 35 страници се тврди дека ваквото киднапирање на децата може да се смета за злосторства против човештвото. Според извештајот, овие деца од Украина се изложувале на руска академска, културна, патриотска и воена едукација, со очигледна цел да ги интегрираат децата од Украина во на Руската визија за заедничка национална култура и историја. Иако факт е дека најголем дел од децата за кои се зборува во извештајот дека биле киднапирани, се од регионите кои и онаку важеа за про-руски региони.
Никола Илиевски