Нов силен земјотрес со јачина од 5,2 степени по Рихтер вечерва го погоди централниот дел на Турција, објави Европско-медитеранскиот сеизмолошки центар (ЕМСЦ).
Епицентарот на потресот бил во близина на градот Антакја, на длабочина од 19 километри. Како што пренесува ЕМСЦ, земјотресот се почувствувал и во Сирија.
Ова е 32-ри земјотрес што ја погоди земјата во последните 69 часа. Засега нема информации за нови оштетувања и жртви.
Според последните податоци, над 41.000 луѓе загинаа во двата силни земјотреса што ги погодија Турција и Сирија на 6 февруари.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.