Најмалку 20 лица, за кои се верува дека се џихадисти, побегнаа од затвор во Сирија по вчерашните силни земјотреси на северозападот на земјата, на границата со Турција, изјави извор за агенцијата „Франс прес“.
Околу 2.000 затвореници издржуваат казна во затвор во градот Рајо, во близина на турската граница, од кои за 1.300 има сомнежи дека се борци на Исламска држава, рече службеник во затворот.
Во затворот, исто така, има и борци на курдските сили.
Земјотресот со магнитуда од 7,8 степени според Рихтеровата скала, по кој следуваа десетици афтершокови во регионот, предизвика штети во објектот, вклучувајќи пукање на ѕидови и врати.
„Затворениците почнаа да се бунтуваат и презедоа контрола врз делови од затворот. Околу 20 затвореници побегнаа, за кои се верува дека се милитанти на Исламска држава“, додаде службеник во затворот.