Турската национална авиокомпанија Туркиш ерлајнс соопшти дека за денеска ги откажива планираните летови за и од Истанбул, поради предвиденото невреме, придружено со снежни врнежи.
Во соопштението на авиокомпанијата се наведува дека одлуките за откажување се донесени во согласност со заклучокот на Метеоролошкиот комитет за вонредни состојби.
Од таму ги повикаа граѓаните да го проверат статусот на нивните летови пред да пристигнат на аеродромот, пишува истанбулскиот весник „Дејли Сабах“.
Заклучно со вчерашниот ден вкупно се откажани 238 летови но од компанијата не ја исклучуваат можноста бројот на откажани летови да порасне во наредните денови.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.