Русија тврди дека го зазела Соледар, Украина вели дека сè уште се водат борби, украински капетан очекува одлука за повлекување

Падот на Соледар, се чини, е прашање на денови. Русија тврди дека градот е заземен, без да прецизира дали тоа е сторено од нејзините сили или од припадниците на групата „Вагнер“, Украина тврди дека сè упте се водат борби со рударскиот град, додека украинскиот капетан Тарас Березовец вели дека воени падобранци на 46-та и 77-та бригата и натаму се присутни на западниот крај на Соледар.

Но, Березовец порачува оти останувањето на украинските сили во Соледар нема воена смисла, бидејќи како што вели, не постои ниту една зграда што го преживеа руското гранатирање. Тој, во изјава за „Си-Ен-Ен“, воедно нагласи дека во наредните денови очекува одлука за повлекување од градот.