Потрошувачката на гас во Франција е намалена за 10,5 отсто од 1 август, покажуваат корегираните податоци по првата неделна зимска контрола, објавена денеска од операторот на мрежата за пренос на гас ГРТгас.
Во необработени податоци, падот на потрошувачката на гас во Франција е 12,4 отсто во однос на 2018 година, земена како референтен период, ако се земат предвид многу благите месеци октомври и ноември, кои го одложија почеток на греењето, јави дописникот на МИА.
Во корегираните податоци забележаниот пад е резултат на падот на потрошувачката кај корисниците приклучени на дис трибутивните мрежи (-14,1 отсто) и уште повеќе од помалата потрошувачка на гас од страна на големите индустријалци поврзани на преносната мрежа (-22,1 отсто), наведе ГРТгас заклучно до 11 декември.
Според ГРТгас, меѓу 1 август и 11 декември за падот на потрошувачката на гас најмногу придонеле секторите: хемиска индустрија (-25 отсто), рафинирање/петрохемија (-33 отсто), земјоделско-прехранбени (-17 отсто) и металургија (-27 отсто) .
Овој пад, со тоа што влијае врз сите категории потрошувачи, одразува промена во однесувањето на потрошувачите во насока на избрана трезвеност, смета ГРТгас. Но, овие бројки, исто така, откриваат трезвеност поради многу значајниот ефект на цената што значи дека производителите го намалија своето производство, па дури и прекинаа одредени произвосдства, изјави за француските медиуми генералниот директор на ГРТгас Тјери Фунд.