Пет пожари се активни на подрачјето на Град Скопје, информира Центарот за управување со кризи (ЦУК). Од таму информираат дека сè уште е активен и пожарот на депонијата во Визбегово, во Општина Шуто Оризари, а гори и ниска вегетација кај Црквата „Св. Никита“ во Општина Чучер Сандево.
Активен е и пожарот кај Стенковец, кон Бензинската пумпа Дизел, пожарот во Волково, во Општина Ѓорче Петров, каде гори ниска вегетација и пожар во Катланово, Општина Петровец, каде гори сува трева.
На територијата на државата до 13 часот имало вкупно 14 пожари на отворен простор од кои 10 се активни.
Поради состојбата со пожарите во земјава, во Владата заседава кризниот штаб, со кој претседава премиерот Христијан Мицкоски.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.