Американскиот претседател Доналд Трамп потпиша предупредувачки писма со царински мерки за 12 земји, најавувајќи дека ќе бидат испратени во понеделник.
Како што изјави Трамп, овие писма се дел од новата стратегија за трговски преговори – според него, понудата е „земи или остави“, а царините ќе стапат на сила од 1 август доколку не се постигнат договори до 9 јули.
Иако конкретните земји не беа објавени, Македонија е една од засегнатите – со најавена вкупна царинска стапка од 33% за извоз во САД.
По првичните реакции и дипломатски средби, македонската Влада ги укина царините за американски производи, а во Вашингтон беше одржан состанок меѓу македонскиот министер за надворешни работи и државниот секретар Марко Рубио.
Засега, допoлнителните царини се суспендирани на 90 дена, период кој истекува на 9 јули.
САД досега постигнаа трговски договор само со Обединетото Кралство и Виетнам.
Преговорите со ЕУ и Индија остануваат без напредок. Белата куќа ја смени стратегијата од долготрајни преговори кон директни и итни понуди, предупредувајќи на царини до 70% за оние земји што нема да прифатат нови услови до крајниот рок.
Трамп го потпиша новиот закон за даночни олеснувања и кратења на социјални програми