Малопродажната цена на Еуродизел од полноќ се намалува за 2,5 денари по литар, соопшти Регулаторната комисија за енергетика (РКЕ). Новата цена на Еуродизел ќе изнесува 70,5 денари за литар.
Малопродажните цени на бензините Еуросупер БС-95 и Еуросупер БС-98 и на Екстра лесното масло за домаќинство на (ЕЛ-1) не се менуваат. Литар Еуросупер БС-95 чини 77,5 денари, литар Еуросупер БС-98 чини 79,5 денари, додека Екстра лесното масло се продава за 72 денари за литар.
Малопродажната цена на Мазутот се намалува за 1,499 денари и еден килограм ќе чини 40,188 денари.
Од 28.06.2025 година од 00:01 часот максималните цени на нафтените деривати ќе изнесуваат:
Еуросупер БС-95 – 77,50 (денари/литар);
Еуросупер БС-98 – 79,50 (денари/литар);
Eуродизел – 70,50 (денари/литар);
Екстра лесно масло за домаќинство – 72,00 (денари/литар);
Мазут М-1 НС – 40,188 (денари/килограм).