Директорот на Фондот за здравствено осигурување, Сашо Клековски, соопшти дека во Општата болница во Кочани десет лица повредени во пожарот се третирани со ПРП терапија (плазма збогатена со тромбоцити).
Ова е голем напредок, бидејќи пациентите сега можат да ја примаат оваа иновативна терапија локално, без потреба да патуваат до Скопје.
Интервенциите ги изведе тим од болницата „Св. Наум Охридски“ од Скопје, а претходно девет лица беа третирани на Клиниката за пластична хирургија во Скопје. ПРП терапијата користи плазма од сопствената крв за забрзано заздравување на оштетената кожа.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.