Околу 50 училишта низ Македонија ќе бидат опремени со фотоволтаични системи летово. Проектот се реализира преку грант од 1,1 милион евра од Банката за развој при Советот на Европа, потпишан со Министерството за образование и наука.
Инвестицијата во обновливи извори на енергија ќе овозможи значителни заштеди во буџетот, средства што ќе се пренаменат за инфраструктура, учебници и дигитални помагала за учениците, се вели во соопштението од Владата од каде додаваат дека проектот ќе придонесе и за намалување на загадувањето.
„Ова е дел од визијата за модерно, енергетски ефикасно образование и посветеност на реформите во секторот,“ се вели во текстот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.