Полски и авиони на сојузници од НАТО беа подигнати рано утринава како мерка за заштита на полскиот воздушен простор, откако Русија изврши серија воздушни напади насочени кон западна Украина, во близина на границата со Полска.
Оперативната команда на полските вооружени сили соопшти дека преземените чекори имаат за цел да обезбедат безбедност во регионите што граничат со загрозените подрачја.
Во текот на ноќта, украинските власти пријавија голем број ракетни и напади со беспилотни летала од руска страна, при што сирените за воздушна тревога се огласуваа низ целата земја. Во Киев, силите за противвоздушна одбрана успеаја да дејствуваат и да неутрализираат дел од нападите со руски дронови.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.