Во Бугарија продолжуваат протестите против воведувањето на еврото, иако земјата ги исполнува условите за приклучување кон еврозоната.
Граѓаните стравуваат од инфлација и поскапувања, а популистички и проруско ориентирани партии го користат незадоволството за политички поени и бараат референдум.
Европската комисија денеска ќе објави дали Бугарија ги исполнила критериумите за влез во еврозоната.
Владата ја поддржува евроинтеграцијата, додека претседателот Радев ја поддржува потребата од референдум.
Анкетите покажуваат дека половина од Бугарите се против, но економистите велат дека приклучувањето нема да предизвика големи краткорочни промени, а ќе донесе и придобивки како пониски трошоци за задолжување и подобра интеграција во ЕУ.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.