Обвинителството постапува по предмет во врска со сомнежите за фалсификувана деловодна книга со архивски броеви за легализација на обејкти во општина Чаир, при што се преземаат дејствија на проверки. Обезбедена е обемна писмена документација од општина Чаир и од Министерството за транспорт и врски, од Државниот управен инспекторат, како и од Државниот инспекторат за градежништво и урбанизам.
Истовремено, во текот на предистражната постапка е преземено и дејствие на испитување на поголем број службени лице од општина Чаир, како и на дел од барателите на легализација на бесправно изградените објекти на територијата на општина Чаир.
Оттаму додаваат дека процесот на обезбедување на вербални докази се уште е во тек по што ќе следи и донесување и на соодветна јавнообвинителска одлука.