Се распадна владината коалиција во Холандија- се бара построга политика за азил

Лидерот на холандската Партија на слободата, Герт Вилдерс, ја напушти владината коалиција, со што ја урна владата во Холандија.

Причината за распадот на коалицијата и владата, спроед Вилдерс, се неисполентите ветувања за воведување строги мерки за ограничување на миграцијата.

• „Сакавме построга политика за азил, дури и повеќе отколку што беше предвидено во договорот. Гледате исто така дека многу од земјите во ЕУ, како Австрија, Полска, Германија, Белгија воведоа дополнителни мерки. Во главниот договор стоеше дека ќе станеме меѓу најстрогите земји за влез во ЕУ, но веќе долго време не работиме на тоа. Затоа сметам дека мерките се во целосна согласност со договорот, и нивното неподдржување всушност значи прекршување на договорот“ – рече Герт Вилдерс – Лидер на Партијата на слободата.

Експертите, сепак сметаат дека најголемиот дел од мерките на Вилдерс се правно неспроведливи, како на пример комплетно запирање на барањата за азил, затворање на прифатните центри за мигранти, запирање на спојувањата на семејствата и депортација на сите баратели на азил од Сирија.

Останатите коалициски партнери остро реагираа на потегот на Вилдерс, нарекувајќи го „неодговорен чин на политичко самоубиство“.