ММФ со по песимистичка прогноза за македонската економија од онаа на Владата. Предвидува раст за годинава од 3,2 отсто, еден од пониските во регионот и инфлација од 3, 4 проценти. Очекувањата на Владата се пак дека ќе биде 3, 7 отсто. Домашните експерти сметаат дека прогнозите на фондот се пореални од владините. Но, со оглед на глобалните случувања и неизвесноста нема да се изненадат ако ваквата проекција во следниот период отиде надолу.
- Според, мене би биле задоволни со 3 проценти раст на македонската економија, иако знаеме дека таа стапка не може да предизвика драматични промени на животниот стандард бидејќи на државата и требаат во континуитет над 4 или 5 проценти, a според мене дури ако немаме посеризона активноста од страна на НБРМ можно е да имаме и повисока стапка на инфлација, вели универзитетскиот професорот Зоран Ивановски
Смета дека за поголеми проценти потребни се поагресивни мерки. Од една страна охрабрување на приватните инвеститори, а од друга целосна реализација на капиталните проекти.
Познавачите предупредуваат да се внимава со буџетското трошење и задолжувањата затоа што фискалниот простор е стеснат, а може да се вивне и инфлацијата.
- Фискалниот простор е истрошен и секое натамошно зголемување на јавниот долг ќе биде дополнителен притисок на националната економија и зголемување на ризиците, а со тоа и помалку одржливи јавни финансии на долг рок, додава Ивановски
Проекциите на владата пак се дека економијата годинава ќе порасне за 3, 7 отсто, а инфлацијата ќе биде 2,2 проценти. Капиталните инвестиции се високо проектирани над 700 милиони евра. Но, во првиот квартал реализирани се нешто над 10 отсто. Се најави и задолжување од нови 500 милиони евра, но за сега не се открива од каде ќе биде.
Во регионов пак најголем раст се очекува да има Косово од 4 отсто. Потоа Албанија, па Србија, Црна Гора е со иста проекција како Македонија. Понизок раст од македонскиот се очекува да има БИХ од скромни 2, 8 проценти. Премиерот Мицкоски пак пред извесно време кажа дека годинава Македонија ќе биде 5 та земја во Европа според економскиот раст.
Поради трговската војна ММФ ја намали и прогнозата за раст на светската економија.
Ирена Чачкова