Вечерва во Топ Тема дебатираат Бранимир Јовановиќ, професор на Виенскиот институт за меѓународни економски студии и Висар Адеми, економски аналитичар.
„Ние цело време велевме дека проблем ќе биде во тоа што царините ќе ја намалат глобалната трговија помалку ќе се извезува и увезува, и поради тоа ќе се намали производството, ќе се зголеми невработеноста. Меѓутоа тоа не е главниот проблем во оваа криза. Главниот проблем сега е што берзите вртоглаво паѓаат, што значи дека таа штета што ќе ја предизвикаат може да биде многу поголема од штетата што ќе ја предизвикаат самите царини “ вели Бранислав Јовановиќ.
Проценките на некои економисти се дека може да се предизвика штета на глобалниот БДП односно 1 посто или конкретно околу 1,5 трилион долари на глобалната трговија.
„Ние сме во средина на војна помеѓу Америка и Кина, којашто е во пораст последните 35 години. Нивниот сооднос на трговија е 3,1 на корист на Кина. Во 90-тите години таа глобализација претрпе скок на услуги и на другите индустрии кои се базираат на интелектуална сопственост“ рече Висар Адеми.