Фудбалската репрезентација на Бразил славеше победа од 2-1 против Колумбија во рамки на 13.коло во јужноамериканските квалификации за пласман на Светското првенство 2026 година.
Рафиња го отвори резултатот уште во шестата минута кога погоди од пенал за голема радост на стадионот „Мане Гаринча“ во Бразилија. Ѕвездата на Ливерпул, Луис Дијаз го израмни резултатот во 41-та минута.
Победата за „кариоките“ ја обезбеди Винисиус Жуниор со одличен погодок од далечина во 99-тата минута од натпреварот.
На останатите натпревари утринава во Јужна Америка, Парагвај со минимални 1-0 го совлада Чиле, додека Перу со 3-1 беше подобар од Боливија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.