Приведени двајца млади државјани на Турција- возеле автомобил во спротивна насока во центар на Скопје

Синоќа во централното градско подрачје на Скопје полицијата привела двајца државјани на Турција кои со изнајмено возило рент-а-кар се движеле во спротивна насока. Според информациите на МВР двајцата државјани на Турција се на возраст од 19 и 20 години.

• Синоќа во 20.50 часот во Скопје, полициски службеници од Единицата за интервентна полиција при СВР Скопје ги привеле Н.Џ.Е.(20) и Б.У.(19), двајцата од Република Турција, затоа што со патничко возило „опел корса“ со скопски регистарски ознаки, сопственост на рент а кар компанија, се движеле во спротивна насока на булевар на подрачјето на Центар, стои во соопштението од МВР.

По документирање на случајот ќе следуваат соодветени поднесоци.