Немил настан се случил вчера кога во ООУ “Гоце Делчев“ – Прилеп од прозорецот од училишната зграда паднал или скокнал шесттоодделенец.
По падот од прозорецот од третиот кат од училиштето, ученикот се здобил со тешко телесни повреди и веднаш бил пренесен во прилепската болница “Борка Талески”. Лекарите констатирале скршеници на коската од петицата, како и скршеници на пршлените, па поради сериозноста на повредите, ученикот итно е префрлено на клиниката во Скопје.
Од првичните информации се претпоставува дека овој настан е поврзан со предизвик на социјалните мрежи каде тинејџерите преку дадени задачи си ги „одмеруваат силите“ на многу опасен начин.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.