Двајца судии на иранскиот Врховен суд се убиени денеска во зградата на судот во Техеран од вооружен маж кој потоа извршил самоубиство.
Како што објави порталот на иранската судска власт „Мизан“, напаѓачот вооружен со пиштол влегол во канцеларијата на судиите и пукал, по што се самоубил.
„Мизан“ наведува дека се убиени судиите Мохамад Могисех и Али Разини. Локалните медиуми јавија дека е повреден и телохранител на еден од судиите. Нема информации за мотивите на сторителот.
Иранските опозициските веб-страници објавија дека Могисех во минатото учествувал во судења на политички затвореници.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.