Арсим Папранику е бизнисменот кој со своето возило и дипломатските таблички го превезол Артан Груби до Косово непосредно пред почетокот на полициската акција, дознава Телма од извори на истрагата.
Груби, кон Косово, патувал под дипломатски превез со познатиот и успешен бизнисмен во регионот од Македонија, Арсим Папранику кој пак, во 2018-та е именуван за почесен конзул на Република Косово во Македонија. Конзуларната област го опфаќа градот Струга, а како почесен конзул, Папранику дејстувал во Македонија, согласно правилата и нормите на конзуларните активности и имал задача да ги промовира и штити интересите на Косово, беше известено од МНР во Приштина кога, Парпанику ја презеде позицијата конзул.
Папранику е сопственик на Нептун а инвестираше и во изградбата на Ист Гејт Мол.
Во 2019 година, Папранику го доби признанието за најуспешен маж во Македонија во категоријата менаџер на годината.
Поранешниот директор на Државна лотарија Перпарим Бајрами повеќе денови не е во државата и ја напуштил Македонија додека траела истрагата. Премиерот Мицкоски овие детали од истрагата ги соопшти во интервју за ТВ 21.
Поради тоа, се будат сомнежи дека Бајрами знаел за тековната истрага со која е опфатен заедно со Груби. Обвинителството и за двајцата бара притвор додека се уште трае истрагата за набавка на ВЛТ апарати за коцкање.
Артан Груби и Перпарим Бајрами осомничени за злоупотреби во Лотарија, кривична имало и за Ковачевски