Обвинителството да отвори истрага поради американската црна листа на која од синоќа се назначени и поранешниот вицепремиер Артан Груби и актуелниот апелационен судија Енвер Беџети кој уште има активни предмети, вели претседателката Силјановска. Стејт департентот оцени дека двајцата примале мито за судските предмети на Сашо Мијалков. А претседателката вели дека сите треба да реагираат и судскиот совет и судот и обвинителството, но и државата да им забрани јавни функции и активности.
Обезглавениот судски совет немаше никаква реакција за судскиот срам со Беџети до изјавата на Силјановска. Претседателката ги повика членовите на Судскиот совет, поради слабата доверба во судството да си поднесат оставки, но избегна да одговори на директното прашање за обвинувањата на доскорешната претседателка на Судскиот Совет Весна Дамева, која сопствената оставка ја оправда со тврдење за политички притисоци и мешање на извршната власт и премиерот во судството. Наместо тоа, Силјановска тврди дека оставката на Дамева и само неколку дена пред крај на нејзиниот мандат и покрај дупката поради незаконско менување од позицијата.
Реформи треба најитно да се спроведуваат и по насоките на извештајот на оценската мисија за судството, вели претседателката, за да се избегнат нови имиња на судии и обвинители на црните листи на Америка.
Миомир Серафиновиќ
