Лос Анџелес лејкерс ја прекинаа лошата серија од три порази по ред и утринава славеа на гостувањето кај Сан Антонио со 101-119. Дури седум играчи на Лејкерс имаа двоцифрен ефект во нападот, а најефикасен со 20 поени беше дебитантот Далтон Нехт. Ентони Дејвис имаше 19 поени и 14 скока, а Леброн Џејмс имаше 16 поени со 11 асистенции. Виктор Вембањама со 20 поени и 10 скока најмногу се истакна кај Спарс.
Денвер ја победи Јута на гостински паркет со 103-122. Никола Јокиќ ги предводеше Нагетс со 30 поени, 10 скока и седум асистенции. Во дербито на Западната конференција, Голден Стејт загуби на домашен паркет од Оклахома со 101-105. Шаи Гилџеус Александер со 35 поени беше играч број 1 на паркетот за Тандер, додека кај Вориорс, кои беа без првата ѕвезда Стеф Кари, најефикасен беше Џонатан Куминга со 19 поени.
На останатите натпревари, најдобриот тим во лигата Кливленд загуби на домашен паркет од Атланта со 124-135, Далас без Дончиќ во составот ја оствари четвртата победа на последните пет средби и тоа против Њујорк со 129-114. Победи остварија и Мајами, Индијана, Орландо, Хјустон, Мемфис, Сакраменто и Бруклин.