Селекторот на македонската фудбалска репрезентација Благоја Милевски денеска го соопшти списокот на повикани фудбалери за претстојните два натпревари во Лигата на нации. Нашиот тим прво ќе гостува кај Фарски Острови, додека потоа на домашен терен ќе се соочи со Ерменија.
Милевски одбра 26 фудбалери за стартот на Лигата на нации со тоа што дефанзивецот Дарко Велковски отпаѓа од конкуренција, бидејќи и натаму нема клуб. Шанса за деби во сениорскиот тим ќе има Кристијан Трапановски, кој со одличните игри летово по трансферот од Шкупи во Данди Јунајтед се наметна во репрезентацијата. Нема други изненадувања на списокот на Милевски па тимот повторно ќе биде предводен од Столе Димитриевски, Висар Муслиу, Езѓјан Алиоски, Енис Барди, Елиф Елмас, Бојан Миовски и Александар Трајковски.
Првиот собир на националниот тим е зажан за 2. септември во Скопје. Пет дена подоцна гостуваме на Фарски Острови, а на 10-ти септември ја пречекуваме селекцијата на Ерменија.
СПИСОК НА ПОВИКАНИ ФУДБАЛЕРИ
ГОЛМАНИ:
Столе ДИМИТРИЕВСКИ – Валенсија (Шпанија)
Дамјан ШИШКОВСКИ – Борац Бања Лука (БиХ)
Игор АЛЕКСОВСКИ – Работнички
ОДБРАНА:
Висар МУСЛИУ – Падерборн (Германија)
Никола СЕРАФИМОВ – Фехервар (Унгарија)
Јован МАНЕВ – Адана Демирспор (Турција)
Езѓан АЛИОСКИ – Ал Ахли (Саудиска Арабија)
Бојан ДИМОВСКИ – Акрон Тољати (Русија)
Ахмед ИЉАЗОВСКИ – Хвидовре (Данска)
Стефан АШКОВСКИ – Шанлиурфаспор (Турција)
Ѓоко ЗАЈКОВ – Крајова (Романија)
Дарко ВЕЛКОВСКИ
СРЕДЕН РЕД:
Енис БАРДИ – Трабзонспор (Турција)
Јани АТАНАСОВ – Краковија (Полска)
Агон ЕЛЕЗИ – Бохум (Германија)
Тихомир КОСТАДИНОВ – Пјаст Гливице (Полска)
Елиф ЕЛМАС – Лајпциг (Германија)
Исник АЛИМИ – Сепси (Романија)
Давид БАБУНСКИ – Данди Јунајтед (Шкотска)
НАПАД:
Бојан МИОВСКИ – Џирона (Шпанија)
Милан РИСТОВСКИ – Бохемианс 1905 (Чешка)
Дарко ЧУРЛИНОВ – Јагиелонија (Полска)
Александар ТРАЈКОВСКИ – Хајдук (Хрватска)
Лирим ЌАМИЛИ – Сондерјиске (Данска)
Димитар МИТРОВСКИ – Вараждин (Хрватска)
Кристијан ТРАПАНОВСКИ (Данди Јунајтед, Шкотска)
ФОТО: Игор Паневски