Седница во турскиот парламент, чиј иницијатор беше опозицијата, набрзо прерасна во хаос и тепачка по изјавите на пратеникот на Работничката партија (ТИП), Ахмет Сик насочени против владеачката партија (АК) на претседателот Реџеп Таип Ердоган.
Причина беше претходно исклучување на Кан Аталај, член на ТИП, од парламентот, кого Врховниот суд го осуди на 18 години затвор „поради помагање во обидот за соборување на владата на Турција“. Уставниот суд подоцна пресуди дека одлуката со која се одзема местото на Аталај во парламентот била „ништовна“, што дополнително го искомпликува случајот.
Тензиите на седницата ескалираа, речиси, истиот момент, кога Сик побара збор, што предизвика жестока реакција на насобраните пратеници која набрзо прерасна во физичка пресметка.
Потпретседателот на парламентот Бекир Боздаг беше принуден да ја прекине седницата на 15 минути за да се воспостави ред во салата.
Turkish Parliament Erupts in Tensions: DEM Party MP Injured in Altercation#Turkey #DEMParty #Parliament #Kurdistan pic.twitter.com/8ulbA06pjY
— Channel 8 English (@Channel8English) August 16, 2024