Руски стратешки бомбардер се урна во Сибир, објавија руските државни медиуми. Авионот од типот Ту-22М3 се урна во областа Иркутск поради технички дефект, се наведува во соопштението на руското Министерство за одбрана. Притоа се додава дека екипажот успешно се катапултирал.
„Авионот се урнал во ненаселено подрачје. Нема штети на земјата“, се вели во соопштението.
На руските Телеграм канали се појавија фотографии и снимки од местото на падот на авионот. Со оглед дека материјалите се снимени во мрак, се претпоставува дека несреќата се случила доцна синоќа или рано утрово.
„Тупољев“, главен и најстар производител на авиони, ги опишува авионите Ту-22М3 како надзвучни бомбардери кои можат да уништуваат цели на копно и на море. Официјален Киев и неговите западни сојузници тврдеа дека Русија честопати ги користи наведените авиони за бомбардирање на позиции во Украина.
✈️🤩🤩🤩 pic.twitter.com/VnisK0PBv1
— MAKS 24 🇺🇦👀 (@Maks_NAFO_FELLA) August 15, 2024
✈️🔥🔥🔥 https://t.co/X5cNvnx8gW pic.twitter.com/MpAYvgieBG
— MAKS 24 🇺🇦👀 (@Maks_NAFO_FELLA) August 15, 2024
Шефот на украинската одбранбена разузнувачка служба, Кирило Биданов рече дека во август лани на Русија и преостанале помалку од 30 бомбардери Ту-22М3.
✈️🔥 Russian Tu-22m bomber crashed in the Cheremkhiv district of the Irkutsk region. The crew was able to eject. pic.twitter.com/wnRwQFBlLv
— MAKS 24 🇺🇦👀 (@Maks_NAFO_FELLA) August 15, 2024