Триесет и четири степени Целзиусови попладнево покажува живата на термометарот во Управата за хидрометеролошки работи (УХМР) на Зајчев рид, а влажноста на воздухот 47%. Се очекува живата во термометарот да расте и во текот на наредните денови. Во некои делови од земјата, поради високите температури, ќе биде активна и портокалова фаза, алармираат синоптичарите.
Возилата и медицинскиот тим спремни, телефонскиот број на брзата помош постојано ѕвони, а лекарите дневно имаат околу 100 интервенции. Препораките остануваат да важат, но граѓаните ретко ги почитуваат вели доктор Реџепи.
И болни и здрави на удар од пеколните горештини, а колапсите и инфарктите станаа сè почести, а еве каква помош најчесто бараат граѓаните од брзата помош.
Поради појавата на топлотен бран, Владата донесе итни мерки и препораки. Да се ослободат од работни обврски бремените жени и лицата на возраст над 60 години, забрана за физичка активност на отворено како и помош на осамени, стари, изнемоштени лица и бездомници.
Инаку на тропските температури за луѓето кои се наоѓаат на отворено најважно е да имаат пристап до вода за пиење. Во главниот град или се ретки или пак не работат чешмите за вода.
Во овој период од годината зголемен е бројот и на труења, па лекарите советуваат храната да е добро термички обработена и да се чува на соодветна температура.
Симона Петровска