Едно лице е убиено, напаѓачите во бегство – пукање во трговски центар во САД

Едно лице е убиено во пукање што се случи во трговски центар во предградие на Балтимор и Вашингтон, соопшти локалната полиција, пренесува агенцијата „Анадолија“.

Властите добиле повик по пукање во дел на ресторан во трговскиот центар Колумбија, во државата Мериленд, околу 18:10 часот по локално време.

Полицајците пронашле машко тело, соопшти полицијата на округот Хауард.

Полициски извори потврдија дека учесниците во пукањето избегале од трговскиот центар, а детективите веруваат дека жртвата била мета на нападот. Истрагата е во тек.

Трговскиот центар Колумбија беше сцена на пукање и во јануари во 2014 година, кога загинаа три лица, откако маж со пушка уби две лица по што се самоуби.