Вести Најважни Свет

Бајден нареди независна истрага за пукањето врз Трамп

Американскиот претседател Џо Бајден го осуди обидот за атентат врз неговиот изборен ривал, поранешниот американски претседател Доналд Трамп, и нареди независна истрага за пукањето што се случи на митинг врз него во Пенсилванија, додека американските власти трагаат по мотивот зад нападот.

Бајден рече дека наредил да се преиспитаат безбедносните мерки околу нападот, бидејќи се појавија прашања за тоа како некој со полуавтоматска пушка може толку да се доближи до поранешниот претседател. Тајната служба е одговорна за безбедноста на американските претседатели, поранешни претседатели и други високи функционери.

Претседателот рече дека наредил „независна проверка на националната безбедност за да се процени што точно се случило“ и дека деталите ќе бидат објавени во јавност. Тој синоќа, обраќајки се пред нацијата од Овалната соба, упати повик до Американците да избегнуваат политичко насилство и да се здружат за да ја заштитат демократијата на нацијата.

Тој ја повика земјата да се „обедини како една нација“ и ја замоли јавноста да не „прави претпоставки“ за мотивите или припадноста на напаѓачот.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Вработил без јавен оглас и одобрение од Финансии – кривична за директор на основно училиште во Липково

Дејан Дејан

(Фотогалерија) Повредени 24 луѓе, спасени екипажи, патници, деца – силно невреме мина низ Сплит

Дејан Дејан

Владата прогласи кризна состојба поради пожарите

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе