Повеќе од 1,5 милиони луѓе во Тексас останаа без електрична енергија по налетот на ураганот „Берил“ од правец на Мексико и Карибите кон таа американска држава, објави веб-страницата PowerOutage.
Како што е наведено, 1.537.649 жители на Тексас од утрината останале без струја, пренесува „Си-Ен-Ен“.
Ураганските ветрови од речиси 120 километри на час го погодија брегот на Тексас, додека најсилните се забележани во градот Фрипорт (151 километар на час).
Метеоролошка станица во Хјустон на надморска височина од речиси 69 метри утрината регистрира налет на ветер од 81 километар на час. Националната метеоролошка служба ги повика жителите на повеќекатните згради „да не излегуваат на балконите и да се држат подалеку од прозорците“.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.