Економските директори со менаџерски договори можат да тужат, но ако се разрешени во моментов, согласно постоечкиот Закон за здравствена заштита во кој е предвидена институцијата економски директор.
Се разбира, освен во ситуација ако инспекција не утврди тешки злоупотреби, па тоа да е причината за нивното разрешување.
Кога ќе поминат измените, позицијата економски директор се укинува и тие немаат основ според кој ќе можат да поднесуваат тужби.
Затоа засега се разрешени само в.д. директорите, а на Влада поминаа предлог-измените на Законот и тој веќе е испратен до Собрание велат за Телма од ресорното министерство.
До сега се разрешени десет економски директори на клиниките, а за уште петмина други се чекаат законските измени.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.