Владата го назначила Коце Трајановски за нов директор на Јавното претпријатие за државни патишта.
Трајановски доаѓа на функцијата на местото на Ејуп Рустеми.
Беше градоначалник на Град Скопје во времето на Никола Груевски, а претходно и на општина Гази Баба.
Како раководител на Јавното претпријатие за државни патишта ќе има неколку сериозни предизвици со кои ќе треба да се справува, како изградбата на автопатите Кичево – Охрид и Скопје – Блаце, а тука е и проектот со „Бехтел и Енка“ за автопатските делници од Коридорот 8 и Коридорот 10Д.
Јавното претпријатие за државни патишта лани оствари добивка од безмалку 100 милиони евра, но прашање е колку е таа реална, бидејќи од државниот буџет беа префрлени околу 240 милиони евра за конзорциумот „Бехтел и Енка“, а непознато е колку од овие пари се реализирани.