Високиот ирански бригаден генерал Амир Али Хаџизаде, под чија команда се воздухопловните сили на Револуционерната гарда, се закани со нов масивен ракетен напад врз Израел. Пред неколку месеци, Иран и Израел беа на раб на голема регионална војна.
На 13 април оваа година, Револуционерната гарда истрела стотици беспилотни летала и ракети врз Израел. Ова се случи по наводниот израелски напад врз комплексот на иранската амбасада во сирискиот главен град Дамаск, на почетокот на април. во кој беа убиени двајца генерали.
Сега Хаџизаде најави можност за втора таква операција. Заканата најверојатно е поврзана со неодамнешните тензии меѓу Израел и Либан. Во текот на викендот, мисијата на Иран во ОН се закани со „уништувачка војна“ во случај на ескалација меѓу Израел и Хезболах.