Една жена е полесно повредена во центарот на Скопје, откако врз неа паднало дрво по силниот ветар во главниот град. Жената била удрена со гранките од дрвото.
Инцидентот се случил на булеварот пред ресторанот „Букет“ и пред седиштето на ЗНАМ спроти Театар „Комедија“. Дрвото предизвикало штета и на едно паркирано возило и на дел од оградата на ресторанот.
Булеварот во правец кон „Нова Македонија“ и кон Клиничкиот центар беше затворен додека траеше интервенцијата за отстранување на дрвото.
Сличен инциднет се случи попладнево и во близина на „Веро Џамбо“ падна дрво како резултат на силниот ветер.
Управата за хидрометеоролошки работи (УХМР) утрово апелираше за внимание од појава на пороен дожд, грмежи и силен ветар над 70 километри на час.
Од УХМР предупредија дека во текот на вечерните и ноќните часови ќе има потреба од внимателност во повеќе региони, како и внимателно движење покрај помалите реки и суводолиците и места каде има опасност од одрони и свлечишта.
„Попладнево и во текот на ноќта на повеќе места ќе биде нестабилно со пороен дожд и грмежи. Локално ќе има невреме со интензивен пороен дожд, силен ветер (над 70 km/h) и појава на град. Максималната температура ќе биде во интервал од 27 до 35 степени“,
View this post on Instagram