Откако медиумите објавија видео како извесен Изет Шулку, планинар од градот Пешкопеја, во областа Дебар во Албанија го симнува државното знаме на Македонија од врвот Кораб и го заменува со знаме на Албанија- прва реакција од МВР. Не станувало збор за македонски државјанин и не е соопштено како дошол на територијата на Македонија.
-Во врска со видеото објавено на социјалните мрежи каде од страна на едно лице на Кораб е симнато македонското знаме и е поставено знаме на Република Албанија, Министерството за внатрешни работи ја информира јавноста дека по преземени мерки од страна на Одделот за компјутерски криминал утврдено е дека се работи за лице кое не е државјанин на РСМ. Се преземаат дополнителни мерки за расчистување на случајот, за што јавноста ќе биде соодветно известена, велат од МВР.
Видеото е објавено на ФБ пред два дена. На него се гледа како Шулку го симнува знамето на Македонија и го менува со знамето на Албанија. На постот е напишан и шовинистички коментар.
-Кораб е албански и таму нема место за македонското знаме, напишал Шулку на својот ФБ профил, покрај видеото.
На видеото се гледаат уште две лица кои се смеат, а 4-тиот од групата го сбима видеото.
Шулку пред две години го искина знакот на македонски јазик на кој имаше информации за врвот Кораб. На тој ФБ пост беше напишано „Изет Шулку, дебарски и сеалбански патриот. Почит и благодарност, за Тарзан од Дебар, планинар и предизвикувач на природата!“