Заврши кариерата на Клеј Томсон во редовите на Голден Стејт. Одличниот тројкаш кариерата ќе ја продолжи во редовите на Далас со кој потпиша тригодишен договор вреден 50 милиони долари.
Томсон имаше понуда и од Лос Анџелес лејкерс, но реши да потпише договор со Маверикс и ќе им биде соиграч на Лука Дончиќ и Кајри Ирвинг. Целата досегашна НБА-кариера од 13 сезони ја играше во редовите на Вориорс, кои го драфтуваа како 11-ти пик во 2011 година. Со Голден Стејт, Томсон освои четири шампионски титули и беше дел од неверојатниот шутерски тандем со Стеф Кари.