Во 62. година од животот денеска во Кочани почина поранешниот пратеник од редовите на СДСМ, Миле Андонов.
Неофицијално смртта настапила по пад од покривната конструкција на неговата викендица на планината Осогово.
Од МВР потврдуваат декаа ваква несреќа се случила во Кочани но за сега нема детали дали станува збор за истиот случај.
Андонов во три мандати, во периодот од 2008 до 2016 година, беше дел од пратеничката група на СДСМ.
Членуваше во Буџетскиот совет на Собранието, а се беше и во составот на комисиите за економски прашања и за финансирање и буџет.
Исто така, беше дел од собраниските пратенички групи за соработка со парламентите на Белгија, Чешка и Шпанија.
Како дипломиран економист, Андонов повеќе години водеше приватен бизнис во областа на текстилната индустрија.