Амела Османовиќ, не ја дочека пресудата во земјава ниту, пак, потврдата од Апелација дека треба да одлежи две години затвор. Таа е недостапна за одслужување на казната откако судот, а сега и апелција потврдија дека е виновна за проневера на цитостатици од клиниката за онкологија.
Апелационитот суд и ја одби жалбата и се согалсува со доказите дека во три наврати, во три различни денови, изнела ампули, а со намера да стекне материјално богатство.
Случајот кој се водеше против 29-годишната медицинска сестра е засебен и не е поврзан со големата истрага за злоупотреба на биолошката терапија на Клиниката, а каде што Јавното Обвинителство сомничи пет лица меѓу кои и четворица доктори.
Предметот е обемен и сè уште не е завршено вештачењето на илјадниците медицински картони. Пред обвинителите треба да седнат и осомничените за да бидат соочени со доказите кои ги прибира обвинителството.
Во предметот во тек е истражна постапка против пет лица за злоупотреби на Клиниката за онкологија и се преземаат повеќе дејствија за обезбедување докази.
За дел од медицинските досиеја во тек е вештачење од странски онколошки експерти.
Во текот на целата постапка јавноста е информирана соодветно без да се наруши текот на истражните дејствија“, информира Ј.О.
Со истрагата засега се опфатени седум тендери.
Терапиите чинеле до 5.000-6.000 евра.
Се препишувале во просек една до две терапии дополнително, но имало случаи и на повеќе препишани терапии.
Главното прашање на кое одговор треба да даде истрагата е за кого осомничените обезбедувале корист.
Судот донесе одлука да им ги одземе пасошите на лекарите Нино Васев и Нухи и да им забрани да го напуштаат живеалиштетото.
На Васев му е забрането и да се доближува на своето работно место.
Павле Беловски