Мандатарот Христијан Мицкоски, кој вечерва ги соопшти имињата на министрите кои ќе ја состават новата влада, изрази надеж дека измените на Законот за локална самоуправа ќе бидат поддржани од сите пратеници во Собранието.
Иако на ВМРО-ДПМНЕ можеби политички му одговара во овој момент да има избори, продолжи Мицкоски, ние не сакаме да бидеме влада во која ќе има двојни стандарди.
Цениме дека не треба дополнително да се трошат пари на граѓаните, тие избори во неколку општини би чинеле можеби 1 милион евра, пари со коишто можеле да направиме некој булевар, некоја нова градинка, да реновираме некое училиште, наместо со нашите политички игри да ги малтретираме граѓаните сега, ноември, декември еднаш, па догодина септември, октомври уште еднаш, рече Мицкоски.