Деновиве на булеварите низ главниот град се поставуваа камери кои се дел од системот „Безбеден град“ и кои во иднина ќе се користат и за казнување на граѓаните кои направиле сообраќаен прекршок.
Од МВР велат дека во континуитет се врши надградба на системот „Безбеден град“ кој има за цел зајакнување на сообраќајната безбедност, а откако ќе бидат поставени, ќе се користат за документирање на сообраќајни прекршоци.
Од МВР додаваат и дека камерите сѐ уште не се во функција, а по завршувањето на сите потребни активности околу овој проект јавноста соодветно ќе биде известена.
Минатиот месец, тогашниот технички министер Панче Тошковски изјави дека во фаза на тестирање е системот за автоматско евидентирање на сообраќајни прекршоци за чие целосно ставање во функција потребно е да се направат и соодветни законски измени.
