Се прави една очигледна дискриминација на независните листи во поглед на партиите. Најпрво реагирав ов месец март, веданш по носењето на законот за измените на изборниот законик со една колумна и најавив иницијатива пред Уставен суд и по изборите излеговме со неа, рече Лилјана Поповска од „Зелен институт“ во вечерашната дебата во „Топ тема“ на Телма ТВ.
„Вкупно сме 11 членови. Можеше да се пријават и други, но ова беше нешто со што можевме, некоја оптимална бројка која што е доволно индикативна да се види едно разнообразие на луѓе од еколошки иницијативи, од независни листи кои што трчале на избори, некои добиле, станале советници, постигнале многу во овој кус период и практично го носеа оној зелен бран на минатите локални избори на кои се добија 65.000 гласови, вклучително со Скопје, што е 6,7 отсто од вкупно излезените гласачи. Тоа по бројка значи 67 независни советници, што е огромна бројка. Тие по правило се еколошки активисти кои излегоа со нискобуџетни кампањи, со голем ентузијазам, и луѓе кои што немаат хиерархија, туку се поврзани мрежно меѓу себе и на кои што граѓаните им веруваат и токму затоа ги гласаат“, вели Поповска.