Утрово голем број патници кои од Велес се упатија кон Скопје со воз останаа без превоз. Возот што тргнува од Скопје за Гевгелија и обратно, а по возен ред од Железничката станица во Скопје поаѓа во 16 часот и 55 минути, синоќа по тргнувањето се расипал.
Утрово истиот воз во 4 часот и 40 минути не тргна од станицата во Гевгелија, информираат од железничката станица во Велес. Според возниот ред од Железничката станица овој воз требало да тргне во 6 часот и 27 минути.
Голем број од Велешани кои наутро патуваат со воз на овој патен правец се соочија со овој проблем. Тие денеска беа револтирани што мораа да се изложуваат на дополнителни трошоци и бараат од ЈП МЖ -Транспорт што поскоро да го оспособи овој воз.
Утрово од Велес за Скопје тргна локалниот воз во 5 часот и 3 минути и возот од Битола кој според возен ред од станицата во Велес поаѓа во 5 часот и 46 минути.
