Обвинителството отвори истрага за убиството на 47-годишен маж во Боговиње. Осомничениот е фатен со пушката, а злосторството се случило во угостителски објект пред повеќе присутни луѓе кои се и сведоци на убиството кое се случило по расправија на жртвата и осомничениот.
Обвинителството издаде соопштение:
Дежурен јавен обвинител од Основното јавно обвинителство Тетово изврши увид на лице место во Боговиње, каде едно лице беше лишено од живот со огнено оружје. Сторителот е идентификуван и лишен од слобода, а кај него е пронајдено и оружјето со кое го извршил делото.
Според првичните информации, настанот се случил во угостителски објект во кој во тој момент имало и други лица. Осомничениот и жртвата имале вербална расправија, по што сторителот извадил огнено оружје и започнал да пука. Јавниот обвинител издаде наредба за обдукција на телото на починатиот, како и наредба за прибирање и вештачење на траги од лице место. Ќе се вршат разговори со сведоци на настанот и со други лица.
Убиство во Боговиње- полицијата го фатила осомничениот 15 минути по извршеното злосторство