Комисијата за проценка на штети од општина Липково веќе е на терен помеѓу населението, кое вчера претрпе штети од интензивниот дожд и град кој го зафати североисточниот регион во државата, соопштија денеска од општина Липково.
Од таму информираат дека речиси сите населени места беа погодени почнувајќи од Лојане до Никуштак. Граѓаните веќе почнаа да ги пријавуваат штетите.
Од земјоделскиот род има штети на насадите со кромид, бостан, компири, пченка, јачмен. Засега нема пријавени штети на друг имот и одрони на патишта, велат од општината. Претходно, жители на липковските села изјавија дека сепак има штети на куќи, се пожалија на оштетени соларни панели и автомобили.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.