Бугарскиот претседател Румен Радев утрово со остро предупредување до политичарите во Македонија.
Европската перспектива на земјата зависи од строгото спроведување на меѓународните договори во кои е членка, како и од одобрените чекори од Европскиот совет во јули 2022 година.
Преговарачка рамка, нема да се ревидира, се наведува во неговата изјава.
Радев наведува дека Бугарија не прифаќа изјави и однесување кои се во спротивност и со Договорот за пријателство, добрососедство и соработка од 2017 година.
Тој потсети дека Македонија е членка на НАТО, од која произлегуваат соодветните должности и одговорности.
- Убеден сум дека европската перспектива на РСМ зависи од строгото исполнување на меѓународните договори во кои е страна, како и оние одобрени од Европскиот совет во јули 2022 година. Преговарачката рамка со ЕУ, како информација за одговорните институции во РСМ, нема да биде ревидирана, се додава во соопштението од прес-службата на бугарскиот претседател.
Договорот со Бугарија беше и меѓу проблематичните теми за ВМРО-ДПМНЕ во кампањата, бидејќи сите претставници на победничката партија дадоа изјави во насока на повторно преговарање за Преговарачката рамка со ЕУ, во која се вклучени и проблематичните моменти со Бугарија.
Главните пораки на Христијан Мицкоски, за време на кампањата беа во насока на повторно преговарање за условите и чекање промена на власта во Бугарија.