Абдуш Демири вети дека функцијата член на ДИК ќе ја врши совесно и одговорно, во согласност со Уставот и законите. По давањето на свечената изјава пред спикерот Јован Митрески, претседателот на ДИК Александар Даштевски и генералната секретарка Цветанка Иванова, Демири може се вклучи во работата на Државната комисија.
Тој беше избран минатата недела со 90 гласа за и без ниту еден против или воздржан, како предлог на опозицискиот Европски фронт за промени.
ДИК работи во некомплетен состав повеќе од една година, откако Кренар Лога беше избран за министер за правда. Постапката на избор на седмиот член се развлече поради недоразбирањето која партија треба да го предложи: здружената опозиција на партии на Албанците или Алијанса.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.